Silulukat ti Baguio City Jail Female Dormitory para iti agtultuloy a 2-day Open House activity a mangitampok kadagiti produkto iti Person’s Deprived of Liberty Livelihood Program ita nga aldaw.
Ti umuna a proyekto dagitoy ket ti Project Delivering, Outreach, Opportunity, Reintegration, and Service (D.O.O.R.S) a nairugi kas specialized livelihood delivery nga initiatibo a mangipapaay iti direkta a pondo para iti welfare and development programs iti PDL ken mangipapaay iti resources para iti skills enhancement, livelihood development a mang-improve iti pannakaammo, kabaelan, ken self-sufficiency dagiti PDL ken dadduma pay nga aktibidad, kasta metlaeng nga agserserbi daytoy kas panagsagana iti National Correctional Consciousness Week a maobserbaran inton Oktubre iti agdama a tawen.
Dagiti produkto a makita iti nasao nga aktibidad ket bread and pastry products, ready to cook meals, beads crafts , bayong bags, ken dadduma pay.
Agtultuloy ti Open House manipud alas-9 ti agsapa agingga alas-3 iti malem no sadino nangrugi daytoy ita nga aldaw ken agleppas inton bigat, Septiembre 22.| Bombo Khey Reparip
