Pormalen a nagleppas ti 2026 Palarong Pambansa idi kalman, Mayo 31 idiay Datu Lipus Makapandong Cultural Center kalpasan iti maysa a lawas a pannakipaset dagiti student-athletes manipud kadagiti nagduduma a rehiyon iti pagilian iti nagduduma nga sports events.
Iti closing ceremony ti maika-66 nga edisyon ti Palarong Pambansa, naaddaan iti unity parade ken maysa nga opening production.
Sinarunoan daytoy dagiti nagduduma a tradisyunal a seremonya pakairamanan ti panakaibaba dagiti naaramat a bandera ken panakasebseb ti apoy iti Unity Cauldron.
Sumaruno met nga agserbi kas host inton sumaruno a Palarong Pambansa ket ti Quezon City nga idauloan ni Mayor Ma. Josefina “Joy” Belmonte.
Nagleppas ti closing program iti panangipaay kadagiti plague of appreciation, kararag, ken ti grand unity dance finale iti tema a “We Rise As One: The Ultimate Palaro Dream”. Panasetan daytoy dagiti lokal nga artista, opisyal, ken delegasyon.
Ti Palarong Pambansa 2026 ket naisayangkat idiay Agusan del Sur manipud idi Mayo 24 agingga Mayo 31 a pinasetan ti ribo-ribo nga atleta, coaches, ken, delegasyon manipud kadagiti nagduduma a rehiyon iti pagilian. //bombokaren.c.sapirao
