Nakasangpeten idiay Agusan del Sur ti kaaduan nga atleta ti Cordillera Region para iti partisipasyon da iti mapadpadaan a Palarong Pambansa mangrugi intun Mayo 21 agingga Hunyo 2 ita a tawen.
Makipartisipar ti delegasyon kadwa dagiti lokal officials manipud iti nagduduma nga LGU’s iti rehion iti opening ceremonies a maipatungpal idiay Datu Lipus Makapandong – Governor Democrito Plaza Sports Complex.
Mangnamnama dagiti atleta ti Cordillera a maartapan da ti maika siaym a pwesto a nagun-od da iti 2025 games idiay Laoag, Ilocos Norte.
Dakkel ti tsansa dagiti atleta ken coaches nga agdominar manen dagitoy iti ay-ayam nga archery ken combative sports.
Maipalagip a nakaiyawed ti Cordillera Fearless Highlanders ti uppat a pulo ket maysa a pakabuklana medalya nu sadino ket 17 ditoy ti gold, 13 silvers ken 11 bronze medals.//Bombo Jordan Tablac
