Nakasaganan wenno “all systems go” ti provincial government ti Agusan Dela Sur ken Department of Education-Caraga para iti Grand Opening ti Palarong Pambansa 2026 inton bigat idiay Datu Lipus Makapandong Sports Complex idiay Barangay Patin-ay, Prosperidad.
Pormal nga agtitipon amin a delegado iti ala-una ti malem a mapasarunoan iti air exhibition babaen iti Philippine Air Force iti alas-tres ti ken panangipabuya ti VTR para iti Palaro Tu AgSur 2026 opening billboard.
Mangrugi metten ti panangpauneg kadagiti delegado iti alas-kuwatro ti malem ken mapasarunoan ti National Anthem ken kararag.
Kalpasanna, maipatungpalen ti Caraga ken Agusan marches ken welcome message babaen kenni Governor Santiago Cane, Jr.
Idauloan metlaeng ni Governor Cane ti ceremonial turn over kadagiti athlete’s kit ken handing of banners kaduana ni Department of Education Undersecretary Malcolm Garma ken dadduma pay a regional directors.
Kalpasanna, maipatungpal ti multimedia presentation, lighting of cauldron, ken oath of sportsmanship nga idaulon ni Olympic Gold Medalist Hidilyn Diaz.
Sigun kenni Governor Cane, mangipaay metlaeng ti mensahe ni President Ferdinand Marcos, Jr.
Palpasenda ti seremonya babaen iti engrande nga opening show tampok dagiti cheerleaders, hiphop dancers, drum queens, ken dagiti guest performers.//bombokaren.c.sapirao
