Opisyal a naiyuswat idi kalman ti maika-66 a Palarong Pambasa idiay Agusan Del Sur nga addaan iti tema nga ‘Unlocking the Future Through Sports’.
Naangay ti Opening Ceremony idiay Datu Lipus Makapandong Gov. D.O. Plaza Sports Complex tampok dagiti nagduduma a presentasyon ken pabuya
Ti nasao nga Opening Ceremony ken indauloan ni Special Assistant to the President (SAP) Antonio Ernesto Lagdameo Jr. Naimatangan metlaeng ti presensya ni Department of Secretary Sonny Angara, Naga City Mayor Leni Robredo , sigud a Governor ti Cebu a ni Gwendolyn Garcia ken dadduma pay nga opisyales.
Mangrugi ti regular nga ayayam inton Mayo 26 ken opisyal nga agleppas ti programa inton Mayo 31.
Kabayatanna, kinablaawan ni President Ferdinand Marcos, Jr. dagiti atleta a paset iti 2026 Palarong Pambansa babaen iti maysa a video message.
Iti mensahe na, binigbig ni President Marcos, Jr. ti dedikasyon dagiti atleta manipud iti nagduduma a rehiyon.
Kagiddan dayta, inwaragawagna nga iti umuna a gundaway, mangipaay ti Philippine Sports Commission ti incentives para kadagiti medalist iti regular ken para games. bombokaren.c.sapirao
