Maangay ita nga aldaw ti panagdengngeg iti proposed budget iti Office of the President para iti 2026.
Daytoy ket kalpasan nga insingasing ni Bantay Budget Network convenor Liza Maza a kasapulan a masukimat ti 2026 budget ti Office of the President ken ti Office of the Vice President.
Sigun kenni Maza, nagbalinen a tradisyon ti napartak a panakaaprubar ti pondo dagiti dua nga opisina ken bassit laeng ti masalsaludsod kadagitoy.
Innayonna a kasapulan a saan a mailaksid iti anyaman a panakatingiting wenno panakakwestyunar ti kangatwan nga opisina iti gobyerno nangruna kadagiti confidential ken intelligence funds kasta metten dagiti daduma pay a pondo daytoy.
Impetteng ni Maza a karbengan ti publiko a maamwan nu pagturturungan dagiti amin a confidential ken intelligence funds a mabusbusbos ken awan met iti karbengan dagiti opisyales a mangideklara wenno mangiklasipikar kadagitoy kas immune from review.
