Inmapela ti Philippine Movement for Climate Justice (PMCJ) iti national government nga ideklara daytoyen ti national climate emergency gapu iti kumarkaro nga epekto ti El Nino iti pagilian.
Panggep ti nasao a kiddaw nga iyunayunay a ti naballigi a panangparmek iti climate crisis ket nakadepende iti nasapa nga addang nga ipatungpal ti national government.
Sigun kenni PMCJ senior campaign officer Laica Rayel, in-inot a kumarkaro ti saan a nasayaat nga epekto ti El Nino iti agrikultura gapu iti kinakurang ti danum ket nangato a gastos iti produksyon gapu pay laeng iti mapaspasaran nga oil crisis.
Impetteng ni Rayel, saan nga umdas ti ayuda kas solusyon ken kasapulan ti nalawlawa ken long term solution kontra iti climate crisis.
Karaman ditoy ti panangipatungpal kadagiti science-based climate action plans ken panangisardeng iti panagaramat ti fossil fuel.
Maibasar iti report ti state weather bureau, dumanonen iti 15 a probinsya ti Luzon ti makapaspasar iti nakaro a tikag. //bombokaren.c.s
