Nangiruaren iti freeze order ti Court of Appeals kadagiti amin nga assets ti maysa a mammanday-linteg nga mapapati nga adda pakainaiganna iti naanomalyaan a flood control projects.
Daytoy ket sigun iti Anti-Money Laundering Council (AMLC).
Iti statement daytoy, impakaammoda a nakitaan ti korte ti probable cause tapno maibaga nga adda pakainaigan ti maysa a mammanday-linteg kadua ti maysa a business associate ken maysa a corporate entity, para iti kaso a plunder, bribery, ken graft.
Nupay kasta, saanen nga innaganan ti ahensiya dagiti nasao nga indibidual.
Saklawen ti freeze order ti 25 bank accounts ken 10 insurance policies a nakanagan iti nasao a mammanday-linteg.
Karaman metlaeng a maimbestigaran ti 27 bank accounts ken 10 insurance policies, ken maysa nga investment account ti kasosyo daytoy iti negosyo, pakairamanan ti dua a bank accounts, pito a private accounts, ken maysa a real estate property a nakarehistro iti nasao a negosyo. //bombokaren.c.s.
