Pormal a nangipila iti reklamo ti asawa ni Vice President Sara Duterte a ni Atty. Manases Reyes Carpio iti Quezon City Prosecutors Office kontra kadagiti opisyal ti Bangko Sentral ng Pilipinas, Anti-Money Laundering Council ken sumagmamano a pannakabagi iti House of Representatives.
Karaman kadagiti panggep ni Atty. Carpio a pilaan iti reklamo ni BSP Governor Eli Remolona Jr., AMLC Executive Director Ronel Buenaventura, dagiti miyembro ti House Justice Committee a da Reps. Gerville Luistro, Percival Cendaña, Chel Diokno, ken Leila De Lima.
Kadua ni Atty. Manases Carpio a nangipila iti reklamo ni Atty. Peter Paul Danao.
Naipila ti reklamo gapu iti maatap a panaglabsing dagiti nasao a personalidad iti Anti-Money Laundering Act, Data Privacy, ken bank secrecy law.
Sigun met iti Bangko Sentral ng Pilipinas (BSP), saan paylaeng a naawat ni BSP Governor Remolona ti kopya ti reklamo ken inkarida a sungbatanna ti reklamo a naibasar iti linteg ken iti sanguanan ti umno a korte.
