--Ads--
Sumangsango ti 23-anyos a lalaki iti kaso a panaglabsing iti RA 9165 wenno Comprehensive Dangerous Drugs Act of 2002 kalpasan a nakemmeg daytoy sadiay La Trinidad kabayatan ti naipatungpal a drug buy-bust operation itay napalabas.
Ti nasao a suspek ket awanan iti asawa, tubo sadiay Mankayan, Benguet, ken residente sadiay Kilometer 3 Stonehill, Balili, La Trinidad, Benguet
Kabayatan ti nasao nga operasyon, nakumpiskar manipud kenkuana ti agarup 0.3 grams a maatap a shabu nga addaan iti standard drug price P2, 040.
Balligi ti naipatungpal a buy-bust babaen iti nagtitipon a pwersa dagiti otoridad a pakairamanan ti La Trinidad Municipal Police Station ken daduma pay a yunit.
