Inawagan ni sigud a Senate President Franklin Drilon nga “unusual” ti napasamak iti liderato ni Sen. Alan Peter Cayetano kas Senate president.
Daytoy ti komento ni Drilon iti 23 nga aldaw a panagtakem ni Cayetano kas presidente ti Senado.
Sigun kenni Drilon, saanen a normal a pasamak iti upper house ti maysa a lider ti Senado nga agserbi laeng iti 21 wenno 23 nga alda, uray no adda dagiti senador a nagserbi iti ab-ababa a termino.
Impetteng ni Drilon nga awan a pulos ti nakitanna nga insidente a kas iti napasamak iti termino ni Cayetano.
Maipalagip a ni Cayetano ti maikapat a Senate President kabayatan ti uppat a tawen a panagtakem ni President Ferdinand Marcos Jr.
Sinaruno ni Cayetano da Sen. Migz Zubiri, Sen. Chiz Escudero, ken Sen. Vicente Sotto III.
