ESTADOS UNIDOS – Impagarup ti 26-anyos a babai a kasapulanna laeng nga ag-cr gapu ta kellaat a simmakit ti tiyanna idiay Estados Unidos.
Nupay kasta, saanna a ninamnama nga agpasngay gayamen daytoy.
Nagpasngay ni Tayvia Woodfork bayat ti panagbisita da kadwana ti pamilyana iti maysa nga eat-all-you-can restaurant idi Mayo 4, iti agdama a tawen.
Sigun kenni Tameka, nanang ni Tayvia, nagreklamo daytoy a nasakit ti tiyanna ngem saanna nga ammo a tallo pulo ket pito a lawas a masikog daytoy.
Innayona pay a saan a narikna ni Tayvia dagiti senyales kas iti weight gain wenno panaggaraw ti maladaga iti tiyan daytoy.
Natalged met nga impasngay ni Tayvia ti maladaga a lalaki iti nasao a lugar ken aldaw.
Ti kapadasan ni Tayvia ket maaw-awagan a cryptic pregnancy wenno unperceived pregnancy, pregnancy denial ken stealth pregnancy.
Nupay man saan a kadawyan ti nasao a panagsikog, posible ladta a mapasamak daytoy.
Kabayatanna, ti nasao a kaso ti panagsikog ket napasamak metlaeng kenni Pia Rapusas iti Pilipinas idi May 2020 nu sadino naammoan da laeng kenni asawa-na a masikog daytoy idi nagpasngayen.
