BAGUIO CITY – Natiliw ti tallo a drug personalities iti nagsisina a buy-bust operations ditoy siudad ti Baguio.
Immuna a natiliw iti operasyon idi rabii sadiay Jose Abad Santos Drive, Burnham-Legarda ti drug personality a nabigbig a ni Amelyn Garcia Labasan, 29-anyos, balasang, self-employed ken residente ti Purok 7, Sunnyside, Fairview, Baguio City.
Nakumpiskar kenkuana ti maysa a pakete ti maatap a shabu nga agdagsen ti agarup nasurok maysa a gramo nga aggatad ti P6,800.
Simmaruno a natiliw iti operasyon idi rabii sadiay Purok 1, MRR-Queen of Peace ti drug personality a ni Michael Singson Arscenal, 35-anyos, baro, awanan trabaho ken residente ti Labsan Street, Kayang Extension, Baguio City.
Nakumpiskar kenkuana ti maysa a pakete ti maatap a shabu nga agdagsen ti agarup nasurok 3.5 a gramo nga aggatad ti P23.8-K.
Natiliw metlaeng idi kanikadua ti rabii iti buy-bust operation sadiay Cabinet Hill ni Michael Bryan Sabado Domingo, 35-anyos, baro, driver, residente ti nasao a lugar ken nakalista kas maysa nga streel-level drug personality.
Nakumpiskar kenkuana ti maysa a pakete ti maatap a shabu nga agdagsen ti agarup nasurok dua a gramo nga aggatad ti P13.6-K ken sumagmamano a drug paraphernalia.
Narekober manipud iti ikot dagiti nasao nga indibidual dagiti naaramat a boodle money ken dagiti cellphone dagitoy a naaramat iti panakitransaksionda kadagiti operatiba.
Bin-ig a sumango dagitoy iti kaso a panaglabsing iti RA 9165 wenno ti Comprehensive Dangerous Drugs Act of 2002.
