BAGUIO CITY – Nakemmeg ti tallo nga indibidual, pakairamanan ti maysa a high value individual iti buy-bust operation nga insayangkat dagiti otoridad sadiay Guinaoang, Mankayan, Benguet itay kanikadua.
Nabigbig ti maibilbilang a high value individual a ni Oswald Jeminez bayat a dagiti kakadwana ket nabigbig a da Jobert Enggo ken Joey Quimao.
Maibasar iti report ti pulisya, naaktuan dagiti operatiba dagiti tallo nga indibidual nga agar-aramat ti iligal a droga iti uneg ti pagtaengan ni Jeminez.
Nakumpiskar manipud kadagitoy ti maysa a tooter, uppat a pakete ti mapapati a shabu nga agdagsen iti 1.52 grams nga aggatad ti nasurok P10-K.
Sumangsango ita dagiti nakemmeg nga indibidual iti panaglabsing iti RA 9165 wenno ti Comprehensive Dangerous Drugs Act of 2002.
