CAGAYAN DE ORO – Binagbagsol ti 30-anyos nga ama dagiti dua a menor de edad nga annakna idiay Barangay Lumbia, Cagayan De Oro itay nabiit.
Ti suspek ket ni Elmer Canoy Sr. bayat a dagiti biktima ket agtawen iti 2-anyos ken 4-anyos.
Gapu iti panangbagbasol ti suspek usar ti kutsilyo ken kartib, pimmusay ti 2-anyos nga anakna bayat a naitaray iti ospital ti 4-anyos.
Nakasoan ni Canoy ti parricide ken frustrated parricide.
Maibasar iti interview ti Bombo Radyo Cagayan De Oro kenni Police Lt Col Evan Viñas, spokesperson ti Cagayan de Oro City Police Office, selos ti makitkita a rason iti nasao a krimen.
Dinangdangran pay ti suspek ti asawana gapu iti atapna nga adda sabali a karelasyon ti asawana.
Impetteng met ti asawa ti suspek nga awan ti kinaagpaysu ti atap ti asawana nga adda karelasyonna a sabali.
Irasrason met ti suspek a nakainom daytoy idi napasamak ti krimen.
