BAGUIO CITY – Dumanon iti 300 a siklista manipud Baguio ken Benguet ti nakipaset iti Bike for Peace and Justice a nangrugi iti Baguio Convention Center ken nagleppas iti La Trinidad Strawberry Farm idi agsapa a paset ti nationwide bike-for-a-cause ita nga aldaw ti Sabado, July 17.
Panggep ti aktibidad a kiddawen ti kappia ken hustisya para kadagiti amin a biktima ti CPP-NPA-NDF, nangruna iti agkasinsin a siklista a da Keith ken Nolven Absalon a pinapatay dagiti rebelde a New People’s Army sadiay Masbate City idi June 6, 2021.
Ita nga aldaw, July 17 ti maika-40 nga aldaw kalpasan ti panakapapatay ti agkasinsin, no sadino, ti napasamak kadagitoy ti nangilukat iti mata ti publiko ken iti sangalubongan a kabaelan ti CPP-NPA-NDF a dangran, uray pay dagiti inosente a tattao.
Malaksid kadagiti siklista, nasurok iti sangagasut a non-cyclists ti nakipaset met iti naisayangkat a panag-zumba ken yoga kas panangsuportarda iti nasao a bike-for-a-cause.
