--Ads--
BAGUIO CITY – Naibulos ti 30,000 a carp fingerlings iti deppaar ti Chico River, partikular sadiay Fikoko, Samoki ken sadiay Paling ken Napo, Bontoc Ili iti munisipyo ti Bontoc sadiay Mountain Province itay laeng nabiit.
Naaramid daytoy babaen iti Balik Sigla sa Ilog at Lawa (BaSIL) a proyekto ti Bureau of Fisheries and Aquatic Resources (BFAR) para iti panakapa-ado dagiti nainsigudan ken saan a makadadael a lames kadagiti freshwater bodies.
Manamnama a maapit dagiti nasao nga ikan kalpasan ti makatawen.
Naamuan met a kadagiti napalpalabas a tawen ket nagduduma a lames ti naibulos iti Chico River, pakairamanan dagiti carp, tilapia, ulang wenno fresh water pawn, gurami ken eel.
