Dumanonen iti $38 bilyon ti gastos iti Estados Unidos iti innem a bulan a giera kontra iti Iran, sigun iti Congressional Budget Office (CBO), ken mabalin pay a manayunan iti $3 bilyon tunggal bulan.
Mapatta-patta a ti giera ket mangiduron iti 0.5% a panagngato iti inflation iti umuna a tallo a bulan iti 2027.
Dakkel a paset iti gastos ket manipod iti napartak a pannakaibus kadagiti armas ken bala iti U.S. military. Sigun iti Congressional Budget Office, mabalin a dumanon iti lima a tawen sakbay a mapunno manen ti sumagmamano a kritikal nga stockpile, karaman ti missile interceptors.
Saan metlaeng a karaman iti $38 bilyon ti mapatta-patta a gastos kadagiti baro a panagatake iti Strait of Hormuz ken kadagiti base militar iti Estados Unidos, kasta metleng ti interes iti utang a mabalin a manayunan iti sangapulo a bilion a dolyar.
Kabayatanna, inaklon iti Congressional Budget Office a mabalin a maapektaran ti kabaelan iti Estados Unidos a iti dadduma pay a posible a riribuk, karaman ti potensial a tension iti nagbaetan iti China ken Taiwan.
Ti nasao a report ket nairuar kalpasan a kiniddaw ni Democratic Rep. Brendan Boyle iti Pennsylvania ti panagsukimat iti gastos iti giera.
