Nakadalan iti Strait of Hormuz idi Martes ti maysa a tanker a pinatawan iti pannusa iti Estados Unidos iti baet iti blockade iti Estados Unidos iti nasao a chokepoint, sigun iti datos iti shiping.
Ti Rich Starry ti kaunaan a nakapagna iti nasao a lugar ken nakaruar iti Gulf manipod idi nangrugi ti blockade, kas maibasar iti datos manipod iti LSEG, MarineTraffic, ken Kpler.
Ti tanker ken ti agtagikua iti Shanghai Xuanrun Shipping Co Ltd ket napatawan iti pannusa iti Estados Unidos gapu iti trading idiay Iran.
Ti Rich Starry ket maysa a medium-range tanker nga addaan iti karga nga agarup 250,000 bariles iti methanol, kas maibasar iti datos.
Naala ti kargamento iti maudi a nagturonganna a seaport iti Hamriyah idiay United Arab Emirates.
Ti tanker a kukua iti China ket adda ti Chinese tripulant.
Malaksid iti dayta, maysa pay a tanker ti napatawan iti pannusa idiay Estados Unidos, ti Murlikishan, ket simrek metlaeng iti Strait of Hormuz.
