Dumanun iti 33 nga indibidwal ti pimmusay kadagiti sumagmamano a paset ti India a maatap nga adda ti pakainaiganna iti heatwave a mapaspasaran sadiay.
Pakairamanan daytoy katorse nga indibidwal manipod state of Bihar nu sadino,sangapulo kadagitoy ket nakaduty iti seven-phase national elections sadiay.
Saan met a bumaba iti siam nga indibidwal ti pimmusay iti state of Uttar Pradesh nu sadino, karaman metlaeng ditoy dagiti election, ken security personnel.
Sigun iti maysa a medical practitioner, nakapasar dagiti pimmusay ti high-grade fever ken heatstroke.
Mainaig iti dayta, adda pay 23 nga election personnel a madama a matamtaming gapu iti kapada metlaeng a sakit.
Kabayatanna, sangapulo met nga indibidwal ti pimmusay iti Rourkela, Odisha rason a nangipaulog ti advisory ti lokal a gobyerno daytoy a liklikan paylaeng ti panangipatungpal kadagiti outdoor activities iti nagbaetan ti alas onse ti agsapa ken alas tres ti malem.
Maipalagip a mapaspasaran ti India ti nakaro a kinapudot ti panawen iti agdama nu sadino, nairekord ti kangatwan nga heat index iti kapital daytoy a New Delhi a dumanun iti 52.9 degrees celcius.
