Impetteng ni National Bureau of Investigastion (NBI) Director Melvin Matibag a kasapulan nga aglawlawag da Senate President Alan Peter Cayetano, Senator Robin Padilla ken Acting Sergeant-At-Arms Mao Aplasca iti panagpukaw manen ni Senator Ronald “Bato” Dela Rosa idiay Senado.
Sigun kenni Matibag, dagiti tallo nga opisyal ti persons of interest nu maipanggep iti panagpukaw ni Senator Dela Rosa.
Nupay kasta, inlawlawag ni Matibag a saan pay a dumanon iti punto a saan pay laeng dagitoy a maimbestigaran.
Iti baet dayta, impaganetgetna a gapu ta naipasidung iti senado ni Senator Dela Rosa, kargo daytoy dagiti senador.
Maipalagip nga immunan a kinumpirma ni Senate President Alan Peter Cayetano nga awanen iti protective custody ti senado ni Senator Dela Rosa gapu ta boluntaryo daytoy nga immikat iti premises ti senado.
Maatap a kadua ni Senator Bato ni Senator Robin Padilla nga inmikat iti Senate compound iti alas dos imedya ti parbagon idi Huwebes, Mayo 14, sumagmamano nga oras kalpasan iti napasamak a pinnaltog iti uneg ti senate building. //bombokaren.c.s
