BAGUIO CITY – Nakaawat iti cash assistance ken grocery packs dagiti 37 a kameng ti Communist Terrorist Groups (CTG) ken Militia ng Bayan (MB) sadiay Abra idi kalman kalpasan a simmuko dagitoy kadagiti otoridad.
Personal nga inyawat ni PROCOR Regional Director PBGEN RONALD OLIVER LEE kadagiti 37 a surrenderees ti cash assistance nga agatad iti P74,000 ken grocery items bayat a naiwaras met dagiti food packs a nagtaud iti opisina ti Provincial Governor ti Abra.
Malaksid iti dayta, makaawat pay dagiti surrenderees ti kanayonan a cash, livelihood ken daduma a tulong iti sidong ti Enhanced Comprehensive Local Integration Program (E-CLIP) ti gobyerno.
Dinayaw met ni PBGEN LEE ti isusuko ken panangilinteg dagiti nasao nga indibidual iti biddotna kagiddan ti panangipanamnamana a maipaayanda iti gundaway nga agbiag a natalna kadwada dagiti pamilyada.
