BAGUIO CITY – Manamnama a mapilaan ti kaskenan a kaso ti 37-anyos a lalaki a miyembro ti LGBTQ kalpasan a maatap a niramesna ti menor de edad a lalaki iti Baguio City idi kalman.
Maibasar iti report ti Baguio City Police Office Station 6, nag-am-amo ti biktima ken ti suspek iti dating application babaen iti social media.
Ti ammo ti biktima ket ka-edadna ti suspek rason a nakisinnarak daytoy.
Nupay kasta, naduktalanna a laklakay gayam daytoy kanyana.
Inawis ti suspek ti biktima iti uneg ti boarding house-na ngem nagkedked ti biktima.
Pinilit ti suspek ti biktima ken inguyodna daytoy pastek iti boarding house ken ditoyen nga inaramidna ti krimen.
Inpudno met ti biktima iti inana ti napasamak kenkuana.
Iggem ita ti BCPO Station 6 para iti umno a dokumentasyon.
