BAGUIO CITY – Agtaltalinaed a COVID-19 free dagiti uppat nga babbarangay sadiay Mankayan, Benguet sipud pay idi Marso.
Sigun kenni Mayor Frenzel Ayong, dagitoy ti barangay Sapid, Bulalacao, Cabiten ken Colalo, Mankayan.
Iti baet daytoy, innayonna nga agtultuloy latta ti panagwanawan dagiti barangay health rersponse teams (BHERTs) kadagiti suspected ken probable cases tapnu maliklikan ti local wenno community transmission.
Kabayatanna, imbinglayna a napaneknekan dagitoy ti kina-epektibo ti antigen test sadiay kas early detection ken screening tool iti COVID-19 kalpasan a nagpositibo iti antigen test ti kaudian a pasyente a nagpositibo metlang iti RT-PCR test.
Gapu iti daytoy, imbilinna ti panangikonsidera iti panagaramat ti antigen test nu sadino, nalaka daytoy ken ad-adda a maprebentaran dagiti sintomas kabayatan a maur-uray ti resulta ti RT-PCR test dagiti suspected a pasyente.
Innayon ti mayor nga umdas ti isolation facilities dagitoy iti kanito nga ngumato ti kaso ti COVID-19 sadiay Mankayan, Benguet.
