BAGUIO CITY – Indominar dagiti taga-Cordillera ti Top 10 ti PMA – Mandirigma ng Bayan, Iaalay ang Sarili, Lakas at Tapang, Para sa Kapayapaan (MABALASIK) Class of 2019.
Inpresentar ti Philippine Military Academy dagiti nasao a kadete no sadino ket topnotcher ni Cdt. 1CL DIONNE MAE APOLOG UMALLA manipud Alilem, Ilocos Sur.
Maawat ti 21-anyos a topnotcher ti Presidential Saber, Philippine Navey Saber, Distinguished Cadet Award, Academic Group Award ken dadduma pay.
Maawat met ti second placer a ni Cdt. 1CL JONATHAN ESLAO MENDOZA manipud Sangley Point, Cavite City ti Vice Presidential Saber, Philippine Army Saber ken Aguinaldo Saber.
Maikatlo iti pwesto ni Cdt. 1CL JAHZIEL GUMAPAC TANDOC ti Trinidad, Benguet no sadino ket maawatna ti Secretary of National Defense Saber ken Philippine Army Saber.
Maikapat iti pwesto wenno Fourth placer ni Cdt. 1CL DANIEL HEINZ BUGNOSEN LUCAS ti Barlig, Mt. Province; 5th placer ni Cdt. 1CL ALDREN MAAMBONG ALTAMERO manipud Kidapawan City; 6th placer ni Cdt. 1CL RICHARD BALABAG LONOGAN ti Sagada, Mt. Province; 7th placer ni Cdt. 1CL MARNEL DINIHAY FUNDALES ti Leganes, Iloilo; 8th placer ni Cdt. 1CL GLYN ELINOR BUANSI MARAPAO ti Buguias, Benguet; 9th placer ni Cdt. 1CL RUTH ANGELIQUE RICARDO PASOS ti Pasig City ken 10th placer ni Cdt. 1CL DARYL JAMES JALGALADO LIGUTAN ti Sta. Mesa, Manila.
Mabigbig met a Saber Awardee ni Cdt. 1CL Jesriel Alvendia Calimag ken Journalism Awardee ni Cdt. 1CL Geoffrey Ortega Valdez bayat nga Atheletic Saber Awardees da Cdt. 1CL Kimberly Joy Saliw-an Baculi ken Cdt. 1CL Nicolas Crisanto Raguine Guysayko.
Maangay ti graduation ceremony ti PMA MABALASIK Class of 2019 inton Mayo 26, aldaw ti Domingo no sadino ket manamnama nga agbalin kas guest of honor ken speaker ni Presidente Rodrigo Duterte.
