--Ads--
BAGUIO CITY – Nakemmeg ti uppat nga indibidual iti naipatungpal a checkpoint sadiay Talaca, Tabuk City, Kalinga idi kanikadua.
Nakemmeg ti tallo a menor de edad ken ti managan iti Joseph Caluma Saldana, 28-anyos ken agpapada dagitoy a residente ti Antipolo, Rizal.
Sigun iti Tabuk City Police Station, nakemmeg dagiti suspek iti naipatungpal a checkpoint operation.
Nakumpiskar kadagiti suspek ti 31 a bricks ti napagango a bulong ken stalks ti marijuana nga aggatad amin iti P3.7 million.
Naiturong dagiti suspek ken dagiti kontrabando iti Tabuk City Police Station ken kalpasanna ket iti Kalinga Crime Laboratory para iti drug examination.
