Nakapasar iti nakaro a panagdara iti utek ti maysa a lalaki nga agtawen iti kuarenta idiay Taiwan kalpasan a naglugan iti roller coaster iti Ferrari World idiay Abu Dhabi.
Sigun kenkuana, nangrugi ti pannakaulawna ken panagsakit iti ulona kalpasan a naglugan, agingga a naawanan daytoy iti puot kalpasan ti sumagmamano a bulan.
Kinasapulan pay a maipasidong iti operasion tapno dalusan ti naurnong a dara iti utekna.
Inlawlawag dagiti doktor a mabalin a nangitunda daytoy iti nakaro a panagggaraw iti ride, nangruna kadagiti agtawen iti kuarenta, gaputa ad-adda a sensitibo ti utek ken urat dagiti natataengan.
Gapu iti napasamak, nagpalagip dagiti eksperto nga agalwad iti nakaro a rides, nangruna nu adda ti tawen wenno addaan iti kondision iti salun-at.
