BAGUIO CITY- Matuttutukan ita ti kaso ti dengue iti munisipyo ti La Trinidad kalpasan a ngimmato daytoy iti 409% ita nga tawen.
Iti interview ti Bombo Radyo Baguio, kinuna ni Municipal Health Officer Dr. Rowena Agpas a nakailista ti municipyo iti 63 a kaso ti dengue manipud Enero 1 agingga Abril 30.
Adayo a nangato daytoy nu idilig iti 32 a nailista idi napan a tawen iti kapada a panawen.
Balballakadanda met amin dagiti barangay sadiay nupay awan met ti pimmusay ita nga tawen manipod kadagiti nakaptan.
Nupay kasta, ipalpalagip manen ni Agpas ti kanayonan a panagdalus kadagiti karayan wenno waig ken ti regular a panagbakante kadagiti timba wenno basura a mabalin a pagbalayan ti lamok.
Agtultuloy met ti implementasyonda kadagiti programa babaen ti koordinasyonda kadagiti babbarangay tapnu maiyunay-unay kadagiti residente ti proteksion kontra dengue.
