BAGUIO CITY- Nailista manen ti Baguio City ti baru a record-high wenno kangatoan a bilang dagiti turista a napasangbay iti uneg ti maysa nga aldaw wenno kabayatan ti maysa nga weekend sipod nangrugi ti pandemya.
Kasaruno daytoy ti mapatta-patta a dumanon iti 45,000 ti turista a napasangbay ti siudad a turista wenno bisita manipoad Marso 18 agingga 19 wenno iti kaleppas nga weekend.
Nangatngato daytoy nu idilig iti agarup 15-K a record-high a nailista idi napan a bulan ti Pebrero.
Posible pay a mabaliwan ti datus apaman nga maala ti umno nga bilang manipod iti napasangbay dagiti hotels nga addaan iti bukodda nga triage ken ti central triage ti siudad.
Sigun kenni City Tourism Officer Alec Mapalo, manamnama pay a manayunan ti nasao a bilang iti sumaruno nga weekend kas maibasar iti agdama nga bilang dagiti agpaparehistro iti VISITA App.
Kinunana a mangipakpakita laeng daytoy a nailiw dagiti umili ken turista iti Panagbenga Festival kalpasan a saan daytoy a naipatungpal iti dua nga tawen gapu iti pandemya ken ti in-inot a panagturong iti panagdur-as ti makunkuna nga new normal kagiddan ti panagridam iti virus.
Inayonna nga ipaspasigurado met ti Baguio Flower Festival Foundation Incorporated (BFFFI) a maipatalged dagiti protocols kontra COVID-19 kabayatan ti pannakaipatungpal dagiti aktibidad iti Panagbenga Festival.
Addan iti final week ti pestibidad kagiddan ti panaglukat ti maysa kadagiti highlight events wenno ti Session Rod in Bloom nga agpaut agingga intun Marso 27 ken ti fluvil parade a maangay intun Marso 26 iti Burnham Park Lake. CD
