Nakemmeg ti maysa nga Street Level Indivudual a babae idiay Buyagan Poblacion, La Trinidad kalpasan a nakumpiskar kenkuana ti 0.46 a gramo ti mapapati a shabu nga addaan iti standard drug price a P3, 128.
Ti nasao a suspek ket 46-anyos nga online seller, tubo iti Hagonoy, Bulacan ken residente idiay AE129 Western Buyagan Poblacion, La Trinidad, Benguet.
Nakumpiskar manipud iti suspek ti maysa a heat sealed transparent plastic sachet a naglaon iti 0.46 a gramo ti mapapati a droga, one thousand peso bill kas buy-bust money, maysa a pidaso ti sangaribu a pisos kas boodle money; maysa a Samsung touchscreen cellular phone ken maysa a reading glass.
Nakemmeg ti suspek iti buy-bust operation nga impatungpal ti Provincial Drug Enforcement Unit, Philippine Drug Enforcement Agency (PDEA), La Trinidad Municipal Police Station ken dadduma pay a maseknan nga indibidual idi Oktubre a kinse idiay Western Buyagan, Poblacion, La Trinidad, Benguet.
Naisayangkat ti inventory kadagiti ebidensia iti isu metlaeng a lugar iti imatang ti suspek ken dagiti saksi.//mp4
