--Ads--
Naituding nga agserbi dagiti lima a police personnel manipud Abra Police Provincial Office kas Special Electoral Board (SEB) iti probinsya ti Abra inton umay nga eleksyon.
Sigun kenni Abra Police Provincial Office Director PCol. Froiland Lopez, dagiti lima ket maideploy sadiay Tineg kalpasan a nagwithdraw dagiti uppat nga electoral boards bayat a maysa ti nadiskwalipikar.
Nupay kasta, impasigurado met ni Lopez a nakasagana ti Abra Police a tumulong iti panangipasigurado iti seguridad ken natalged a 2025 national ken local elections kagiddan dagiti naireport a shooting incidents ken dadduma pay a crime incidents iti nasao a probinsya.
Kabayatanna, dumanon metten iti dua pulo ket tallo ti nakumpiskar a firearms iti Comelec Gun Ban sadiay.
