BAGUIO CITY – Nakemmeg ti lima nga indibidual kalpasan a natiliwan dagitoy nga agsugsugal sadiay Purok 14, Irisan, Baguio City idi kalman.
Nabigbig dagitoy a da Michael Eňola Relos, 33, driver, Rendentor Acocos Julian, 33, maysa a construction worker; Melchor Lamarca Gacuscus, 27-anyos, driver ken ni Marlon Mabalot Estacio, 24, helper, bin-ig a residente ti Irisan, Baguio City.
Maibasar iti report, nakaawat iti tawag dagiti otoridad manipod iti maysa a maseknan nga umili mainaig iti panakaisayangkat ti iligal a panagsugal iti nasao a lugar.
Dagus a nagresponde dagiti pulis a nagresulta iti panangkumpiskarda iti baraha nga ar-aramaten dagiti nakemmeg nga indibidual nga agay-ay-ayam ti ‘pusoy’ ken ti P780 a taya.
Naipaima dagiti ebidensya iti Baguio City Police Office – Station 9 para iti umno a disposisyon ken naipilan ti kaso a panaglabsing iti Anti-Gambling Act kontra kadagiti nakemmeg nga indibidual. (-with Bombo Brigitte Marcasi)
