--Ads--
Impakaammo ni Mamamayang Liberal Partylist Rep. Leila De Lima a 50% kadagiti ebidensya a maaramat iti impeachment trial kontra kenni VP Sara Duterte ti namarkaan iti panagtuloy ti pre-trial proceedings idiay Senado.
Innayon pay daytoy nga iti panagtultuloy ti proseso, kumpiyansa daytoy a masurot ti naituding a Hulyo 6 kas panangrugi iti impeachment trial.
Sigun pay kenni De Lima, tapno mapapartak ti panagmarka, ninayunan ti senado ti marking teams iti dua a team ken nailaylayon ti oras ti trabaho dagitoy manipud 9 alas-nuebe ti agsapa agingga alas-syete ti rabii.
Innayon ti nasao nga opisyal a nakatulong daytoy iti naparpartak a panangmarka kadagiti dokumento a kasapulan ti depensa ken prosekusyon. //bombokaren.c.sapirao
