Sika kabombo kayat mo kadi met nga agmaymaysa nga estudyante iti maysa a grade level?
Nagviral ti maysa nga agtawen iti innem a babai a ni Nozomi Fujioka gapu ta agmaymaysa laeng daytoy nga estudyante iti grade 1 iti Yanagidani Elementary School idiay Japan.
Nupay agmaymaysa ni Nozomi, naalana ti atensyon dagiti amin a faculty iti nasao a pagadalan.
Maibasar iti report, 540 laeng ti populasyon ti nasao a lugar isu’t gapuna a bassit met dagiti ubbing nga agadal.
Nupay kasta, naragsak dagiti faculty idi nag-enroll ni Nozomi gapu naglukat manen ti nasao a pagadalan kalpasan a naiparikep idi tawen 2021 agingga 2023 gapu ta awan pulos ti nag-enroll.
Iti baet dayta, saan met daytoy nga agmaymaysa iti intero a pagadalan gapu ta adda dagiti tallo nga estudyante a kaduana.
Iti agdama, agkakadua dagiti uppat iti maysa a classroom ngem panggep ti nasao a pagadalan nga isuruan dagitoy depende iti grade levelda.//Bombo Rosemarie Bulsao
