BRAZIL – Pimmusay dagiti innem a pulo ket maysa nga indibidual a nakalugan iti Brazilian Airliner gapu iti panakatnag daytoy idiay Vinhedo, Brazil idi kalman, Agosto 9.
Sigun iti Regional carrier Voepass, nagtaud ti eroplano iti Cascavel, Parana ken paturong iti Sao Paulo’s international airport idi napasamak ti aksidente.
Sigun pay kadagiti opisyles, awan ti nakalasat iti nasao nga aksidente ken maysa laeng a pagtaengan ti nadadael bayat nga awan ti nadangran a residente iti nakatnagan ti eroplano.
Kinuna dagiti maseknan kas maibasar iti narekoberda a flight data, saan a kasasaad ti panawen ti rason ti aksidente.
Maipalagip a ti nakaam-amak a pasamak idiay Brazil ket ti panakatay ti 199 nga indibidual gapu metlaeng iti kapada a pasamak idi tawen 2007.
Iti agdama, manarimaan ti imbestigasyon dagiti otoridad tapno maduktlan ti rason ti panakatnag ti eroplano.
