Kidkiddawen ni Honey Pearl Buagayan ti hustisia kalpasanti napalalo a pannakadangran ti asona idiay Middle Quezon Hill Barangay, Baguio City.
“Help me find the culprit po. Help me seek justice for my dog para naman sana magkaliwanagan kung bakit niya nagawa ‘yun sa ako ko? Ano bang nagawa kong kasalanan at ganoon nalang ang galit niya because my dog doesn’t deserved that incident, and even other dogs don’t deserve animal cruelty.”
Honey Pearl Buagayan, owner of the dog
Iti social media account ni Buagayan, maimatangan ti asona a ni Fufu a dakkel ti iwa ti tengged daytoy ken naobser nga agkakapsut.
Iti exclusive interview ti Bombo Radyo, imbinsa-binsa ni Buguayan a kadawyan a rumrumuar ti asona tapno agrugit ken umisbo daytoy, ken agsubli metlaeng kalpasan ti sumagmamano a minutos.
Ngem idi laeng kalman, saan a dagos a nagawid ti aso nu sadinno, maysa a concerned citizen ti nangipadamag a naimatanganna ti aso a ni Fufu a napalalo ti kapsut daytoy.
Dagos met a nagturong ni Buagayan ken ti kaduana iti lokasion ti asoda.
Impagarupda a naatalan ti aso ngem idi naipaayan iti medical nga atension, nasukimat ti attending veterinarian a dakkel ti sugat ti aso iti tengged ken sumagmamano a paset ti bagi daytoy.
Maipagarup a naigagara ti panangdangran ti aso ni Buagayan gapu iti sugat a napasaran daytoy.
Inaklon ti agtagikua a nagbiddut daytoy a binaybay-anna ti aso a rumuar nga agmaymaysa.
“I admit na may pagkakamali ako as owner ng dog dahil hinahayaan kong lalabas siya mag-isa…”
Honey Pearl Buagayan, owner of the dog
Nupay kasta, patienna a saan a rumbeng a madangran ti maysa nga aso nga awan ti aniaman a rason.
Nagpa-blotter metten ti agtagikua ti aso iti barangay ken iti police station nga asideg kadakuada, nu sadinno manarimaan a maim-imbestigaran daytoy.
“I will seek justice for my poor voiceless dog.”
Honey Pearl Buagayan, owner of the dog
Sigun kenni Buagayan, nagturong metten dagitoy iti lugar a nakapasamakan ti insidente ngem saan a nakitinnulong dagiti agtagikua ti CCTV tapno maduktalan nu siasinno ti nangaramid ti panagdangran.
“Nagpa-blotter na po ako sa barangay and even sa police station. Pumunta na po sila dito and ayaw pong maki-cooperate ng dalawang CCTV, kung saan ko nakita yung aso ko.”
Honey Pearl Buagayan, owner of the dog
Kabayatanna, iti agdama ket agpatpataming ti aso a ni Fufu iti veterinary clinic.
