BAGUIO CITY- Agtultuloy ti kampanya ti munisipyo ti La Trinidad iti panagbakuna dagiti residente kontra COVID-19.
Kasaruno daytoy ti panakailistadan iti nasurok 70% a vaccination rate iti general wenno target population dagitoy iti baet ti ALert Level 2 status ti Benguet.
Iti interview ti Bombo Radyo Baguio, tinagiragsak ni Municipal Health Officer Dr. Antonnete Agpas ti nasaoi nga datus a makatulong tapnu maipababa iti Alert level 1 ti status dagitoy.
Kinunana a turturongenda dagiti babbarangay nga agpabakuna nangruna ta adu pay dagiti agkedked ken saan a nabakunaan.
Mangipatpatungpalda iti survey tapnu mabigbig dagiti saan a nabakunaan ken nabakunaan iti sabali a lugar wenno dagiti stratehiya a mangpapigsa iti kampanyay dagitoy.
Karaman kadagiti tuttukanda ti panagbakuna dagiti senior citizen gaputa saan pay a dumanon iti 70% ti vaccination rate dagitoy bayat nga 36% laeng dagiti immawat ti booster shots iti munisipyo.
Kagiddan dayta, agtaltalinaed nga awan ti kaso ti COVID-19 a nailista ti munisipyo ken mangnamnamada pay nga agtultuloy daytoy kagiddan ti manaynayunan a bilang dagiti nabakunaan. cd
