--Ads--
BAGUIO CITY – Dumanonen iti 72% nga establishemento partikular ti hotel and restaurant ditoy Baguio City ti temporaryo a naiparekkep kabayatan ti COVID-19 pandemic.
Inlawlawag ni Mayor Benjamin Magalong a resulta daytoy ti panagbababa ti bilang dagiti turista nga agturturong iti siudad.
Saan metlaeng a naglukkat dagiti immunan nga establishemento a naiparekkep pakairaman dagiti tallo a kadakkelan a hotel iti siudad sipud nangrugi ti pandemya.
Gapu iti daytoy, nangilatang ti lokal a gobierno iti P100-M nga stimulus package a naawagan iti Baguio Revitalization Actions for vibrant Economy tapno matulongan dagiti establishemento a karaman iti sektor ti turismo.
