BAGUIO CITY – Naipatungpal ti Annual BroadcasTREEing wenno ti tree planting activity ti Kapisanan ng mga Broadcasters ng Pilipinas (KBP) iti Forbes Park, South drive Barangay DPS compound, Baguio city idi agsapa.
Daytoyen ti maika-pito a panakaipatungpal ti aktibidad nationwide kadagiti lugar nga addaan ti KBP stations.
Nakipasetan daytoy ti nasurok sangapulo a Kapisanan ng mga Broadcasters ng Pilipinas member stations ti siudad nga idadaolwan ni Rico Ferrer, Chairmain ti KBP Baguio – Benguet Chapter ken panakitinnulong ti Baguio Tourism Council nga idadaolwan ni President Gladys Vergara.
Panggep ti aktibidad nga agtignay dagiti kameng ti media seknan iti panangaywan ti aglawlaw.
Agyamyaman met ni Ferrer iti City Environment and Parks Management Office iti panangipaayda ti sangagasut a pine tree saplings ken sangagasut a coffee saplings.
Namnamaenna met a babaen iti daytoy a programa ket makatulong daytoy a malapdan ti epekto ti climate change ken kasta met a mapapintas pay ti atmosphere iti siudad ti Baguio.
