BAGUIO CITY – Agladladingit ita ti pamilya ti 8-anyos nga ubing a pimmusay gapu iti panakalnedna iti waig idiay Tabuk City idi Agosto 15.
Maibasar iti imbestigasyon ti maseknan nga otoridad, nagturong ti tatang iti talon kalpasan nga imbati-na ti 8-anyos nga anakna iti lolo-na ngem maatap a naglibas ken sinurotna daytoy.
Sinublian ti tatang ti anakna ngem awanen daytoy iti nasao a pagtaengan.
Dagus met a binirokna ti ubing nu sadino nasarakanna laengen ti slipper iti sirok ti bamboo bridge.
Naipatungpal ti search and rescue operation babaen iti tulong ti Bureau of Fire Protection, Tabuk City Disaster Risk Reduction and Management Office, ken residente.
Nasarakan laeng ti bagi ti ubing idi kalman ti agsapa iti Chico river idiay Sitio Dalimuno, Barangay Bantay.
Maatp a naigalis ken natnag ti ubing bayat ti panagballasiwna iti nasao a waig.
Nabigbig daytoy a ni Marquez Cangcao Togao.
