Pimmusay ti maysa a lalaki kalpasan a maatap a natagtagbat sadiay Barangay Balbalasang, Balbalan, Kalinga idi kalman.
Nabigbig ti suspek a ni Vicente Lao-ing, 33-anyos bayat a ti biktima ket ni Stoop Kibayen, 80-anyos.
Sigun kenni Kalinga Police Information Officer, PCapt. Ruff Manganip, ilaylayat ti suspek nga addaan ti mental disorder ti bunengna kadagiti lumablabas nga umili iti pagtaenganda.
Iti daytoy nga insidente, limmaban ti biktima babaen iti panagaramatna ti kayo ngem gaputa napigsa ti suspek ket saanna daytoy a nabaelan.
Napasardeng laeng ti suspek babaen iti panang-anawa ti amana ken ti maysa pay a maseknan nga umili.
Kabayatanna, nadangran pay ti tallo nga inidbidual iti nasao nga insidente bayat ti pananglappedda iti suspek.
Nupay kasta, naitaray ti suspek ken ti biktima iti Western Kalinga District Hospital para iti pannaka-agas dagitoy ngem naideklara a pimmusay ti biktima.//Marinel
