Nasurok a 87 a milion a learning modules ken 74,492 a tablet ti na-procure ti Department of Education (DepEd) a mangsuporta kadagiti agad-adal iti intero a pagilian babaen ti Flexible Learning Options (FLO) fund.
Iti press statement idi kalman, kinuna ti Department of Education (DepEd) a ti early procurement activities (EPA) ket makagunggona iti nasurok a 300,000 nga agad-adal kadagiti high- ken medium-risk areas iti ballasiw ti 16 a rehion, a mangipasigurado nga addaanda iti nasao a banag a kasapulan tapno maituloyda ti panagadalda babaen kadagiti alternatibo a “modalities.”
Sigun kenni DepEd Secretary Sonny Angara, dagiti nasao a banag ket mangsuporta kadagiti studiante nga agadal iti bukodda, ken mangipalubos kadakuada nga agsursuro ken mangaramid kadagiti panagbalbaliw no kasapulan.
Maibasar iti datos, nakairawasen ti Bureau of Alternative Education (BAE) iti 2.975 million a modules ken 330,000 session guides iti Pilipinas.
Nangitedda pay ti P115 milion nga alokasion kadagiti rehion para iti pannakapaadu dagiti module pakairamanan ti 41 nga Accreditation and Equivalency (A&E) Elementary modules ken 41 nga A&E Junior High School (JHS) modules.
Agarup 300 nga Alternative Learning System (ALS) implementers ti nagdalan iti espesial a panagsanay, a sinuportaran ti UNESCO, tapno masigurado ti epektibo a pannakausar dagiti nasao a banag.
Ti programa ti FLO ket mangidiadiaya kadagiti Alternative Delivery Modes (ADMs) ken ALS.
