Nadanonen ti Department of Education (DepEd) ti 89.79% a target enrolleesda para iti school year 2024-2025.
Maibasar iti datos ti Department of Education (DepEd), agarup 24.8 million ti nakaenroll iti elementarya agingga Senior Highschool iti pagilian bayat nga adda ti nainayun a 1,494 nga estudyante kalpasan ti cut-off.
Kaadoan met kadagiti estudyante ket nakaenroll kadagiti pampubliko a pagadalan a dumanon iti agarup 21 million nga estudyante.
Ti Region IV-A wenno Calabarzon ti kaadoan ti enrollessda a dumanon iti agarup 3.5 million, sarunoen ti Region III wenno Central Luzon nga addaan iti agarup 2.6 million nga estudyante, ken ti National Capital Region nga addaan iti agarup 2.5 million nga estudyante.
Kabayatanna, ti target ti Department of Education (DepEd) nga enrollees para iti nasao nga school year ket 27,772,835.
