--Ads--
USA – Naberipikar ti 94-anyos a lalaki manipud Minnesota, USA kas kataengan a bus driver iti sangalubongan.
Tinagiragsak ni Jim Oppegard ti dua pulo a tawen a karera-na kas city bus driver sakbay a nagretiro idi agtawen ti 65, ngem gapu iti nariknana a kinaburyong ket nagsubli metlaeng.
Iti agdama, agtrabtrabaho daytoy iti maysa a bus lines nu sadino agserserbi kas driver ti school bus para kadagiti ubbing nga addaan ti special educational needs.
Sigun iti managerna, ni Jim ti depinasyon ti mapagulidanan nga empleyado gapu ta natalged ti panagpatarayna, saan nga agsaksakit, ken saan a pulos a maladaw.
Nupay kasta, gapu iti edadna ket kasapulan a maipasidong iti physical examination ken driving evaluation tunggal tawen.
