BAGUIO CITY – Naipatulod ti sumagmamano a kameng ti militar ken pulisya sadiay Tanudan, Kalinga kasaruno pay laeng ti itataud ti tensyon iti nagbaetan ti dua a subtribe sadiay.
Iti ekslusibo a panakiuman ti Bombo Radyo kenni PSSupt. Alfredo Dangani, provincial director ti Kalinga PNP, kinunana nga addan dagiti kamengda a naipatulod iti nasao a lugar kalpasan a nakailistada iti kanalbuong ti paltog iti pagin-innagawan a boundary ti tribu ti Dacalan ken Gaang.
Kinunana a saanda met a nabigbig nu asino ti nagpaputok iti paltog gapu iti kinaadayo ti nasao a lugar ken iti kinarigat ti signal ti komunikasyon sadiay.
Impanamnamana met nga awan ti nadangran iti nasao nga insidente.
Itay laeng agsapa ket nangipatungpal iti joint team conference dagiti kameng ti militar, pulisya ken ti lokal a gobyerno ti Tanudan iti panangidaulo ni Mayor Johnwell Tiggangay ken tinalantanda ti nasao nga isyu.
Naamuan kabayatan ti diskusyon a nangrugi ti rinnupak iti alas onse y media idi kalman ken nagleppas iti alas una ti malem.
Dukduktalen ita dagiti otoridad nu asino dagiti miembro ti Dacalan ken Gaang tribe a nagpipinnaltog ken tapnu malapdanda ti itataud ti kapada nga insidente.
—————– Filipino translation ——-
BAGUIO CITY – Nagpadala ng karagdagang pwersa ang militar at pulisya sa Tanudan, Kalinga matapos sumiklab ang tensyon sa pagitan ng dalawang subtribe doon.
Sa panayam ng Bombo Radyo kay PSSupt. Alfredo Dangani, provincial director ng Kalinga PNP, sinabi niya na may mga kasapi sila na ipinadala sa nabanggit na lugar matapos maitala ang pagpapaputok ng baril sa pinag-aagawang teritoryo ng tribu ng Dacalan at Gaang.
Sinabi niya na hindi naman nila mawari kung sino ang nagpaputok ng baril dahil pa rin sa layo ng lugar at sa hirap ng signal ng komunikasyon doon.
Tiniyak naman nito na walang nasugatan sa nasabing insidente.
Ngayong araw ay nagsagawa ng joint team conference ang mga kasapi ng militar, pulisya at ang lokal na pamahalaan ng Tanudan sa pangunguna ni Mayor Johnwell Tiggangay at pinag-usapan nila ang nasabing isyu.
Napag-alamang nagsimula ang putokan alas onse y media kahapon at nagtapos sa ala una ng hapon.
Sa ngayon ay inaalam ng mga otoridad kung sino sa mga miyembro ng Dacalan at Gaang tribe ang nagpalitan ng putok at upang mapigilan nila ang muling pagsiklab ng putokan.
