--Ads--
BAGUIO CITY – Agpapaimbag ita iti pagagasan ti maysa a lalaki kalpasan a nadangran daytoy iti panakauram ti pagtaenganna sadiay Angadal, Poblacion, Banaue, Ifugao idi kanikadua.
Nabigbig daytoy a ni Lorenzo Majhen.
Maibasar iti report, nagtaud ti uram iti kandila a naaramat iti nasao a pagtaengan gaputa awanan daytoy iti koneksion iti kuryente.
Naan-anay a nauram ti maikadua a kadsaaran ti nasoa a balay.
Dagus a naitaray sadiay Goodnews Clinic and Hospital ni Majhen ngem naiyakar daytoy iti Veterans Regional Hospital sadiay Bayombong, Nueva Vizcaya gapu iti second degree burns iti ngato a paset ti bagi daytoy.
