BAGUIO CITY – Agserbi a kangrunaan a sangaili iti panakarambak ti 2018 Strawberry Festival ti La Trinidad, Benguet ni Presidential Communications Operations Office (PCOO) Assistant Secretary Ana Maria Paz Banaag.
Nupay kasta, napagnumuan iti naangay nga executive meeting a no saan a makadar-ay ni Banaag ket panggep imbitaranda ni Senador Manny Pacquiao.
Napili met ti tema a “La Trinidad Strawberries Forever” manipud iti nasurok duapulo a singasing.
Iti agdama ket maisagsaganan ti pinal a pondo ken dagiti pagalagadan iti maipatungpal nga industrial ken commercial trade fair ti festibidad.
Maramrambakan ti Panaspulan Strawberry Festival tunggal bulan ti Marso.
Nangrugi daytoy idi 1981 kas addang daydi sigud a La Trinidad Mayor Hilarion Pawid tapnu maguyugoy dagiti mannalon nga agmula iti strawberries imbes a dagiti kadawyan a nateng iti Benguet.
Kadakkelan nga achievement ti La Trinidad kabayatan ti Strawberry Festival ket ti pananggun-odda iti Guiness Book of World Records para iti panang-aramidda iti World’s Largest Strawberry Shortcake nga agdagsen iti nasurok 9,600 kilos idi 2004.
