BAGUIO CITY – Nakemmeg ti dua a balasang kalpasan a nagtakawda iti tsokolate ken body spray iti kadakkelan a mall ditoy siudad ti Baguio idi kalman.
Dagiti suspek ket agtawen iti 18 ken 19 ken daigtoy kt residente ti Camp 7, Kennon Road ken Campo Sioco ditoy siudad ti Baguio.
Maibasar iti report, nakita ti guwardya ti panangilemmeng dagiti dua a balasang kadagiti nasao a lako iti bag dagitoy.
Kalpasanna ket rimuar dagiti dua manipud iti nasao a department store a saanda a nagbayad.
Gapu iti daytoy, sinurot ti guwadya dagiti dua ken ditoy a kiniddaw ti resibo ti inala dagitoy.
Nupay kasta, awan ti naipakita dagiti dua a resibo ti inalada a tsokolate ken body spray nga aggatad iti nasurok P1,300.
Nangitunda daytoy tapnu makemmeg ken maipaima iti pulisya dagiti nasao a babbalasang.
