BAGUIO CITY-Nakemmeg ti maysa a laborer gapu iti panangtagtagbatna iti padana a laborer sadiay Sumigar, Viewpoint, Banaue, Ifugao idi kalman.
Nabigbig daytoy a ni Reynante Boquing, 25-anyos, naasawaan bayat a nabigbig ti tinagtagbatna a ni Gilbert Acop Calbo, 38-anyos, awanan asawa ken agpada dagitoy a residente ti Amorha, Cambulo, Banaue, Ifugao.
Maibasar iti report, nagiinom iti arak ti suspek ken ti biktima kaduada dagiti dadduma pay a katrabahuanda.
Nupay kasta, timmaud ti saan a panagkinaawatan ti dua.
Inala ti suspek ti bunengna ken sadiay a tinagtagbatna ti biktima iti sumagmamano a daras.
Gapu iti daytoy, nagsagrap ti biktima iti dunor iti teltel, kanigid a barukong ken iti kanigid ken kanawan a muging.
Agtaltalinaed met iti pagagasan ti biktima bayat a nakemmeg ti suspek
