BAGUIO CITY-Nakared alert ita ti Baguio City Police Office para kadagiti nagduduma nga aktibidad ti Panagbenga.
Sigun kenni BCPO Director PSSupt. Ramil Saccules, nailatagdan ti operational plan dagitoy para kadagiti nagdudduma nga aktibidad iti siudad kas iti umadanin nga Spring Festival wenno Chinese New Year, PMA Alumni Home Coming ken dagiti Highlights Events ti Panagbenga.
Kinunana a paset iti operational plan dagitoy ti panakaipaay ti seguridad kadagiti nagdudum a Tourism spots iti siudad, kadagiti terminal ken kadagiti lugar a pakaisayangkatan ti aktibidad.
Kinunana a kangrunaan met laeng a linaon ti plano ti naannayas a panakaimanihar ti trapiko.
Mainaig iti daytoy, kinunana nga adda met laeng ti ipatulod ti
Police Regional Office Cordillera nga augmentation a bukbuklen ti dua a batallion ket adda met laeng dagiti nagduduma a grupo para iti crowd control.
